Risco a curto prazo:

A principios desta semana seguiron presentes as brétemas nocturnas e matinais que provocaron humectación foliar, podendo favorecer esta situación as contaminacións por mildiu en determinadas parcelas. Destacar a ausencia de novos síntomas tanto de mildiu como de oídio (“borralla”), salvo en casos moi puntuais.

Risco a medio prazo:

Para os próximos días as previsións apuntan a que se manterán as temperaturas actuais con presenza de brétemas, sen descartar a posibilidade dalgunha tormenta illada a inicios - mediados da vindeira semana.

Estratexia xeral recomendada:

Ante as condicións descritas anteriormente, recoméndase coma de costume, o seguimento periódico das viñas para confirmar o estado sanitario, confirmando principalmente a ausencia de mildiu e oídio (“borralla”).

No caso de atopar novos síntomas de mildiu ou oídio, recomendase renovar os tratamentos, preferentemente con produtos que teñan acción curativa.
Nos viñedos que non se detecten síntomas, pódese esperar a cumprir os 12-14 días para renovar os tratamentos.

No tocante a polilla do acio, nesta semana existe heteroxeneidade nos datos de capturas rexistrados nas parcelas de seguimento, que na sua meirande parte rexistraron un aumento de capturas, polo que na maioría das zonas aínda non chegaron ao seu máximo de poboación e polo tanto non sería necesario tratar .

No caso de detectar penetracións nos acios, consultar cos técnicos.

Un cordial saúdo
Plataforma SICOM do Proxecto Viñas Atlánticas